1.
PHR 2898 You're Eighteen, You're Beautiful, And You're Mine by AmandaNakisakay si Ana sa kotse ni Jake sa kagustuhan niyang takasan ang abuela pagkatapos niyang marinig na ipagbibili siya nito kay Don Simeon. Ang problema, sumakay siya nang hindi nagpapaalam.
Kasalukuyan silang bumibiyahe nang ipagkanulo siya ng mga hilik niya. Nabisto ni Jake na nagtatago siya sa likuran ng sasakyan. Pinababa siya nito at iniwan sa tabi ng highway dahil walang tiwala ito sa kanya.
Pero bumalik ito, marahil ay nakonsiyensiya. Muli siyang pinasakay kapalit ng pangako niyang pagdating nila sa Maynila ay bababa siya at hindi niya bibigyan ito ng problema.
Akala rin niya ay magtatapos ang lahat doon. Besides, hindi niya gustong makisama sa isang guwapo nga ay suplado namang kagaya ni Jake. Pero wala siyang matatakbuhan sa pagtakas niyang iyon. Tulungan kaya siya ni Jake gayong tila unang tingin pa lang nito sa kanya ay malinaw nang hindi siya gusto nito?
2.
PHR 2899 Like Chasing Bubbles In The Air by CamillaKahit napasubo lamang sa isa't isa ay maayos naman ang pagsasama nina Kaytee at Fillan. Subalit may lihim sa pagkatao ni Kaytee na siyang dahilan kung bakit mainit ang dugo sa kanya ng ina ni Fillan. When the old woman died, sa kanya ibinunton ng asawa niya ang sama ng loob nito. They had to part ways, until he met an accident at nabura ang ilang bahagi ng recent memories nito--kabilang na ang paninisisi nito sa kanya sa pagkamatay ng ina nito.
Her husband was back to his old self--sweet and loving. Pero paano kapag bumalik na ang alaala nito?
3.
PHR 2900 The Way To A Man's Heart by CamillaUmalis si Grady sa kanila dahil umatras ang groom niya sa kanilang kasal. Kasabay niyon ay ang pagkatuklas niya sa totoong pinagmulan ng yaman ng pamilya nila.
Nagsimula siya ng bagong buhay nang mag-isa sa ibang lugar, making a living from her culinary skills. Doon niya nakilala si Jolo Zapanta--and she fell for him. Sabi ng karamihan, “The way to a man's heart is through his stomach.” Effective kaya iyon sa kaso niya gayong may mahal na itong iba?
4.
PHR 2901 Harangan Man Ng Sibat (Ang Pagmumurang-kamatis Ni Miss Elise) by Kayla CalienteInisip ni Denise na posibleng kalungkutan ang nagtulak sa Tita Elise niya kaya umaasta itong kamatis na nagbalik sa pagiging mura. Ang kaso lang, ang umaaligid dito ay ang pinakasimpatikong lalaking nakilala niya--si Rodney.
He was the typical muscle-man. “Matipuno” at “matikas” ang mga eksaktong kataga na panlarawan dito. In fact, kinikilig pati ang gilagid ng tita niya kapag nakakasama nito ang lalaki. Pero gigolo ang tingin niya kay Rodney kaya hindi siya makapapayag na ito pa ang makapitas sa tita niyang desperadong magka-fafa.
Sa kakaharang niya sa dalawa ay mukhang siya ang namemeligrong masagasaan ng pison ni Kupido. Paano kung siya ang ma-in love kay Rodney? Maghahalo ang balat sa tinalupan pero hindi niya hahayaang mangyari iyon. Sana lang ay kaya ng powers niya na pigilan ang intrimitidang puso niya.
5.
PHR 2902 Yves' Romance by VanessaDahil sa isang misyon ay nagtungo si Yves sa mansiyon ni Gustavo upang magpanggap na isang kawaksi. Isa siyang pulis na naghahanap ng isang kriminal. Si Gustavo ang suspect niya.
Ngunit ang hinala niya ay nagbago kaagad nang makilala niya ito nang husto. Imposibleng ang kriminal at ang lalaking mahal niya ay iisang tao lamang... Imposible.
6.
PHR 2903 Dayana by CamillaDahil ayaw ni Dayana sa lalaking inirereto ng mga magulang niya ay nagpasya siyang lumayas. Nakialam ang mga ito sa buhay niya dahil nais nang magkaapo ng mga ito.
Napadpad siya sa Sacramento. Sa tulong ng kaibigan niya, nagpa-advertise sila sa isang radio para bulabugin ang mga kalalakihan sa lugar para mag-apply bilang asawa niya.
Pero paano kung ang lalaking nakaharap niya—na pumukaw sa kanyang damdamin—ay hindi pala nag-a-apply bilang asawa niya?
7.
Blue 57 Mekaniko Ng Puso by CassandraIstrikto ang ama ni Maria at hindi siya basta pinapayagang gawin ang mga bagay na gusto niya. Kaya palihim siyang tumatakas upang makasama ang mga kaibigan niya. Nang minsang gawin niya iyon, ay muntik na siyang mapahamak.
Doon niya nakilala si Elliot, ang guwapong mekaniko na nagligtas sa kanya mula sa mga lalaking nambastos sa kanya. Agad na nagustuhan niya ito. Inilapit niya nang husto ang sarili niya rito hanggang sa mahalin na rin siya nito.
Subalit tumutol ang kanyang ama na magkaroon siya ng relasyon sa isang mekaniko lang.
Lumipas ang mahabang panahon at muli niyang nakita si Elliot. Malaki pa rin ang agwat nila sa buhay. Ngunit sa pagkakataong ito, siya ay nasa miserableng kalagayan at ito na ang nasa itaas.
Tuparin pa kaya nito ang pangako nito roon na hindi siya nito pababayaan? Paano kung nawala na ang pagmamahal nito sa kanya?
8.
PHC 14 Scars 1: Lies Of An Angel by AntoinettePagkalipas ng anim na taon na paninirahan sa Amerika, ipinasya ni Astrid na muling bawiin ang buhay at pangarap na iniwan niya sa Pilipinas. Buong tapang na haharapin niya ang kahapong pinagdaanan at tinakasan.
Ngunit ang hindi niya napaghandaan sa pag-uwi ay ang umibig. Umibig siya sa isang lalaking ang iniuukol sa kanya ay pagkasuklam. At walang ibang hangad ito kundi ang muling paantakin ang sugat na nag-iwan sa kanya ng pilat.
Si Kiel...
9.
PHC 15 Scars 2: Devil In Paradise by AntoinetteIniwan ni Devlin ang magulong buhay niya at pinili ang magbakasyon sa hacienda ng kaibigang si Marshall. Subalit ang katahimikang inaasam ay hindi niya natagpuan nang makilala ang mataray at malatigreng kapatid ng kanyang kaibigan, si Bianca Fontanilla--ang tanging babaeng hindi naakit sa pisikal niyang kaanyuan.
Hindi papayag si Bianca na may lalaking muling magdikta sa pamamalakad niya sa hacienda. Kahit pa ang lalaking iyon ay ang pinakaguwapong diablo na pumasok sa kanyang paraiso. Subalit kaya ba niyang pigilin ang matinding atraksiyong nararamdaman niya tuwing nagkakalapit sila ni Devlin?
10.
PHC 16 Scars 3: A Night Of Flame 1 by AntoinettePareho silang kulang sa pagmamahal, pareho ring takot magmahal. Ngunit paano kung sa isang gabing hindi nila sinasadyang magkatagpo ay kumawala ang mga damdaming kay tagal nilang pinigil at itinago sa buong mundo?
Kailangan ni Marshall na pakasalan ang babaeng itinakda ng kanyang ama na mapangasawa niya kung ayaw niyang mawala sa kanya ang kontrol sa kompanyang pag-aari nila.
Kailangan naman ni Cassandra ang lalaki upang mabawi ang isang bagay na bubuo sa kanyang pagkatao.
Ang kasunduang iyon ay napapalibutan ng mga sekreto at panganib na sisira sa kanilang dalawa. Kailangan nilang aminin at tanggapin ang pag-ibig, kahit pilit nilang itinatanggi iyon.
At kung hindi nila magagawa iyon, baka mahuli ang lahat bago nila matuklasan na hindi pala nila kayang mabuhay kung wala ang isa’t isa--na baka ang balikan na lamang nila ay ang gabing pinagsaluhan nila na puno ng nagliliyab na damdamin.
11.
PHC 17 Scars 4: A Night Of Flame 2 by AntoinetteHindi ang katulad ni Marshall ang dapat pag-ukulan ng atensiyon at pagmamahal. Dahil walang ibang mahalaga rito kundi ang kompanya na pinamamahalaan nito. Malamig ito, walang emosyon.
Subalit kahit anong pigil ni Cassandra sa sarili ay natutuhan pa rin niyang tanggapin at mahalin ang lalaki. Muli siyang lalaban at muling aasa—na balang-araw ay makakaya niyang tunawin ang yelong nakabalot sa pagkatao nito.
Pero paano kung hindi pa siya nakagagawa ng hakbang ay nakatakda na silang maghiwalay? Hindi pa man niya naipadadama ang pagmamahal dito ay kailangan na niyang sumuko. Kung hindi ay lalo lamang niyang sasaktan ang sarili...
Dahil para dito, isa pa rin siyang masamang babae.